Fri, 16 Nov 2018
25
Singapore

CARMEN, Bohol Oct. 7, (PIA)-Gitunol sa LandBank of the Philippines (LBP) pinaagi sa Division manager sa Lending Program niini ang mga rice harvester combines ug tractors ngadto sa tulo ka mga kahugpungan sa mga mag-uuma sa Bohol atul sa Biyaya ng Pagbabago (BnP), didto sa Bohol Institute of Technology-Carmen campus Octubre 7.

Mismo si Cecilio Clarete, hepe sa Lending Program Management group sa LBP ang mitunol sa Certificates of Turn-over sa duka ka Kubota D70 rice Combine Harvester ngadto sa tinugyanan sa kahugpungan sa mga mag-uuma nga naa sa Malinao Dam, Babag Dagohoy ug Bayongan alang sa pag-avail sa mga mag-uuma sa serbisyo sa bangko nga Agri-Mechanization Program, ug Sikat Saka.

"Ang Agri Mechanization program gidesinyo aron makahatag og tabang pahuwam ngadto sa mga mag-uuma ug ikaduso na ang mekanisasyon sa umahan ilabi na sa produksyon, ug mga post harvest nga mga proseso," butyag ni Clarete.

Tumong usab sa programa nga kamenosan ang usik sa pag-ani aron patas-on ang kita sa mga mag-uuma samtang kunhuran ang bili sa produksyon.

Gitunol usab ni Clarete ug mga tinugyanan nga nagpasiugda sa Biyaya ng Pagbabago ang susamang Certificate of Turn Over ngadto sa kahugpungan sa mga mag-uuma sa Babag, Dagohoy alang sa Php1.7 milyones nga rice combine harvester ug Php1.3 milyones Kubota tractor nga L 3608.

Lain nga certificate of turn-over usab ang gitunol ngadto sa mga mag-uuma sa Bayongan Capayas Dams, subay usab sa alayonay sa Programa nga Sikat Saka.

Ang Sikat Saka gitabangan sa pundo sa LBP, Departamento sa Agrikutura pinaagi sa Agricultural Credit Policy Council ug nga ahensya nga nagkabit niini.

Ang Sikat Saka magsuporta sa produksyon sa batakang pagkaon (food staples) pinaagi sa paghatag og suporta nga pautang sa mga gagmay nga mag-uuma nga nagtikad sa humayan ug maisan sa ilang panginahanglan sa irigasyon, pamaligya, serbisyo nga extension, bansay, pagseguro sa pananum ug pagarantiya sa pautang.

Ang LBP usa lamang sa mga ahensya sa kagamhanan nga misanong sa gihimo nga pagpahimutang sa usa ka one-stop-shop sa serbisyo sa kagamhanan nga gipasiugdahan sa Buhatan sa Presidente ug gidala sa Buhatan sa kalihim sa Kabinete nga si Leoncio Evasco.

Sobra sa 20 ka mga ahensya sa kagamhanan ang miladlad sa ilang mga serbisyo nagdto sa mga katawhan sa Bohol atul sa ikaduha nga adlaw sa Provincial Roll-out sa Biyaya ng Pagbabago nag nagbunlot sa mga nag-unang serbisyo sa kagamhanan ngadto na haduol sa mga katawhan.

Gawas pa sa SikatSaka ug sa Agri Mechanization program sa LBP, may daghan pa sila nga serbisyo nga gitanyag alang sa mga Bol-anong mag-uuma atul sa tabo sa serbisyo sa kagamhanan.

Ang LBP may value chain financing sa agrikultura sama sa mga pautang, financing alang sa sagingan, cacao, coco-financing o pagpanglubihan ug pagproseso niini, pangkapihan, HARVEST, hiniusang suporta sa pangisdaan (ISDA), KAWAYAN, paghimo og mariculture parks uban sa BFAR, panggatasan, oil palm, sebuyasan, manokan, rubber plantation, panguma sa guso, katubhan, farm tourism financing, ug daghan pa. (rahc/PIA-7/Bohol)

More Southeast Asia News

Access More

Sign up for Southeast Asia News

a daily newsletter full of things to discuss over drinks.and the great thing is that it's on the house!